MACHO YOTE KWA NIYONZIMA NA AJIBU

Pambano lililosubiriwa kwa siku nyingi limefika, ni Simba dhidi ya Yanga katika mechi ya Ngao ya Jamii, Niyonzima na Ajibu wakikabili timu zao za kale 
 
Miamba ya soka Tanzania Yanga na Simba inakutana kesho Uwanja wa Taifa Dar es Salaam, ukiwa ni mchezo wa Ngao ya Jamii ambao unaashiria kuanza kwa msimu mpya wa Ligi Kuu ya Vodacom.
Presha imekuwa kubwa kwa pande zote mbili, huku Simba wakiwa na matumaini makubwa ya kushinda mchezo huo kutokana na usajili ambao wameufanya msimu huu kwa kusajili nyota wenye majina makubwa.

Mara ya mwisho timu hizo kukutana ilikuwa ni Februari mwaka huu, ambapo Simba iliibuka na ushindi wa mabao 2-1, kwahiyo usajili walioufanya msimu huu pamoja na ushindi walioupata mwisho kumewajengea imani mashabiki wa Simba wakiamini rekodi hiyo itaendelea tena kesho.
Kuelekea mchezo huo Yanga wameendelea kujifua kwa kutumia nyota waliosajili kipindi hiki cha usajili ingawa mashabiki wao wameonyesha hofu kutokana na uwepo wa Emmanuel Okwi na kiungo Haruna Niyonzima aliyekuwa kwenye kikosi chao msimu uliopita.


Timu zote mbili zilipiga kambi Visiwani Zanzibar, zikijiandaa na mchezo huo maalumu na kila timu imeweza kucheza mechi za kirafiki kuvipima vikosi vyao kabla ya mchezo huo.
Yanga wamecheza mechi nne mbili Dar es Salaam na mbili Zanzibar ambapo kati ya hizo imeshinda tatu na kupoteza moja wakati Simba imecheza mechi sita imeshinda tatu imetoka sare mbili na kufungwa mchezo mmoja.

Kwa tathimini ukiangalia viwango vya timu zote mbili Simba licha ya kusajili wachezaji wenye majina makubwa, lakini timu yao imeonakana kuwa na mapungufu kwenye umaliziaji kwani katika mechi sita walizocheza wameweza kufunga mabao nane  mchezo wa mwisho dhidi ya Gulioni wakifunga mabao matano tofauti na mechi nyingi tano ambazo walikuwa wakipata ushindi hafifu wa bao 1-0.

Yanga wao katika mechi yao ya kwanza ya kirafiki waliifunga Moro Kids mabao 5-0,  kisha wakaifunga Singida United mabao 3-2, na baadaye wakafungwa bao 1-0 na Ruvu Shooting.
Walipokwenda Zanzibar wakaifunga Mlandege mabao 2-0 kabla ya kumaliza na Jamhuri ambayo waliifunga bao 1-0.

Takwimu hizo zinaonyesha namna safu ya ulinzi ya Simba ilivyokuwa imara kwa kuruhusu mabao mawili katika mechi zita walizocheza lakini safu yao ya ushambuliaji imeshndwa kufanya vizuri licha ya uwepo wa John Bocco, Emmanuel Okwi, Shiza Kichuya, Laudi Mavugo na Mohamed Ibrahim.

Pamoja na yote kitakachoamuamchezo wa kesho ni eneo la kiungo ambalo mara nyingi Simba wamekuwa wakilitawala na kuwapoteza Yanga, Simba imekuwa na tabia ya kujaza viungo wengi na kuwameza viongo wa Yanga kitu kinachosababisha wautawale mchezo na kufanya mashambulizi mengi.
Mbinu za kila kocha ndiyo zinazoweza kuamua mshindi wa mchezo huo, kwasababu kila kocha amekuwa na mbinu mbadala ambazo zinaweza kumsaidia kupata matokeo katika mchezo huo muhimu.

Kocha George Lwandamina ataendelea kuwategemea Amissi Tambwe, Donald Ngoma, Ibrahim Ajibu, Thabani Kamusoko na Papy Kabamba Tshishimbi  na kipa Youth Rostand ambao wapo fiti kwa ajili ya mchezo huo wa kesho.

Lwandamina mtaalamu wa mfumo wa 4-3-3, anatazamiw kufanya maajabu ili kukifunga kikosi kilicho garimu kiasi cha Bilioni 1-3, kwenye usajili wake msimu huu.

Kocha wa Simba Joseph Omog mtaalam wa mfumo wa 4-4-2 niwazi ataingia kwenye mchezo huo akiwa na hamu ya kutaka kupata ushindi ili kuwadhihirishia mashabiki wake kile ambacho amekuwa akikiwaza nacho ni ubingwa.

Aishi Manula bila shaka ndiye atakayeanza langoni akisaidiwa na Mohamed Husseni, Erasto Nyoni ingizo jipya atakuwa upande wa kulia wakati kati atakuwepo Salum Mbonde na Method Mwanjali.
Kiungo mkabaji ataanza James Kotei, Shiza Kichuya, Haruna Niyonzima , Mohamed Ibrahim John Bocco na Emmenuel Okwi

Comments

Post a Comment

Popular posts from this blog

OKWI NA NIYONZIMA KUIMALIZA YANGA

Image
Kocha msaidizi wa Simba amesema anamatumaini ya kikosi chake kuibuka na ushindi mnono dhidi ya mahasimu wao Yanga katika pambano la Ngao ya Jamii    Kocha msaidizi wa Simba Jackson Mayanja, amesema wamejiandaa vizuri kuhakikisha wanaifunga Yanga kesho na kutwaa taji la Ngao ya Jamii kama ambavyo wamekusudia. Mayanja ameiambia SIMBA FC, mchezo dhidi ya Yanga,  utakuwa mgumu lakini kuwa na wachezaji wazoefu kwenye kikosi chao kama Emmanuel Okwi na Haruna Niyonzima, kunatamaliza mchezo huo mapema kwa wao kupata ushindi. “Tunaingia kwenye mchezo wa Ngao ya Jamii, tukijivunia Okwi na Niyonzima hata kama wasipofunga lakini uwepo wao ni ushindi tosha kwa Simba kwasababu asilimia kubwa ya wachezaji wa Yanga na mashabiki wao wanawaogopa wachezaji hao,”amesema  Mayanja. Kocha huyo amesema wanakiu ya kushinda pambano hilo ili kuanza vyema msimu mpya wa ligi ya Vodacom na kubeba Ngao ya Jamii ni ishara nzuri kwao kwani kutawaongezea ari ya k...
Read more

OKWI WE ACHA TU......

Image
Simba wameonyesha ishara njema ya kupata mafanikio Ligi Kuu Bara msimu huu baada ya kuanza ligi kwa ushindi wa mabao 7 Emmanuel Okwi akiongeza sherehe.   Simba SC imeanza Ligi Kuu Bara na moto mkali, baada ya kuichapa mabao 7-0 Ruvu Shooting jioni ya leo Uwanja wa Uhuru, Dar es Salaam. Mshambuliaji Mganda, Emmanuel Arnold Okwi ameonyesha msimu huu amedhamiria kurudi kivingine katika Ligi Kuu, baada ya kufunga mabao manne na kuseti moja katika ushindi huo mnono. Mabao mengine ya Wekundu wa Msimbazi, walio chini ya kocha Mkameruni, Joseph Marius Omog anayesaidiwa na Mganda, Jackson Mayanja yamefungwa na Shiza Ramadhani Kichuya, Juma Luizio Ndanda na Erasto Edward Nyoni. Okwi alifungua sherehe za mabao dakika ya 18 akimchambua kipa Bidii Hussein baada ya pasi ya Muzamil Yassin na bao la pili akafunga dakika ya 22 baada ya kuwachambua mabeki ndani ya boksi kufuatia pasi ya kiungo Mnyarwanda, Haruna Niyonzima. Okwi akakamilisha hat trick yake dakik...
Read more

SIMBA HAITAJUTA KUNISAJILI

Image
Kwa namna Gyan alivyoonyesha uwezo, ni lazima wapangue safu ya ushambuliaji na kuunda kombinesheni mpya kwa mujibu wa Jackson Mayanja    Mshambuliaji mpya wa Simba raia wa Ghana, Nicholas Gyan, aliyesajiliwa msimu huu akitokea klabu ya Ebusua Dwarfs ya Ligi Kuu Ghana amesema atahakikisha ana funga kila mechi atakayopewa nafasi na mwalimu. Gyan juzi alifungua akaunti yake ya magoli baada ya kufanikiwa kufunga goli moja dhidi ya Hard Rock kwenye mechi ya kirafiki iliyochezwa Uwanja wa Uhuru, jijini Dar es Salaam. Mghana huyo allifanya mahojiano na gazeti la Mwanaspoti alisema kiu yake ni kuona anafunga kila mechi. “Baada ya kufanya vizuri katika ligi ya nyumbani Ghana, sasa nimekuja Simba ili kuendeleza kasi yangu ya ufungaji, Simba haitajuta kunisajili,” alisema hivyo Mghana huyo. Gyan anatarajia kucheza mechi yake ya kwanza ya Ligi Kuu wikendi hii dhidi ya Waoka mikatae wa Dar es salaam, Azam.
Read more